föstudagur, apríl 29, 2005
Sól sól skín á mig.... Það hefur ekkert smá mikil áhrif á sálartetrið í manni þegar það verður vart við blessaða sólarglætuna..!! Með sólskin i hjarta og... bla bla bla... Allavega vægt til orða tekið í alveg ljómandi góðu skapi:) Borist hefur til tals að grilla... jafnvel útí guðsgrænni náttúrunni fyrir utan borgarmörkin... Svo svona til að skipta alveg um rythma og auka tilbreytnina á kvöldinu, bruna aftur inn í Reykjavíkina þegar rökkva tekur, skella okkur inn í bíósal og glápa á eina góða ræmu... Mér líst alveg roooooosalega vel á það:) Svo er bara að sjá hvort við náum að framkvæma planið... Við erum nebbla alveg pro þegar kemur að því að setja niður gott plan, en aftur á móti fáum við mínuseinkunn þegar framkvæmdahliðin tekur við hehehe:) En hver veit.... Þið vitið: Með sólskin í hjarta og bla bla bla... Allt gæti gerst:)
Later
Koma svo, dilla sér.. Dagný at
13:00
fimmtudagur, apríl 28, 2005
Gærdagurinn var frekar viðburðarríkur hjá mér... Kannski ekki viðburðarríkur, en allavega töluvert frábrugðinn hinum venjulega miðvikudegi sem ég upplifi viku hverja... Í fyrsta lagi heimti ég símann minn úr helju, hann fór sem sagt í lengstu og flóknustu aðgerð sem um getur á Nokia 6230 síma, og var þetta tvísýnt um stund... En hann er svo harður af sér greyið litla að hann náði sér eftir einungis 7 vikur í endurhæfingu uppí Hátækni... Já þeir uppí Hátækni telja það sko ekki eftir sér að leyfa langlegusjúklingum að eyða heilu vikunum hjá sér... Landspítalinn ætti að taka þá sér til fyrirmyndar og leyfa mennskum sjúklingum að taka jafn langan tíma í endurhæfingu o.s.frv, eins og Hátækni svo auðmjúklega leyfir tækjunum að taka sér... En nóg um það...
Í öðru lagi, það sem var frábrugðið venjulegum miðvikudegi var það að Dagný kennd við Valgeir II kenndan við Hallvarð kominn af Valgeiri kenndan við Björn nokkurn fagra, sást keyra um götur bæjarins á ekki einum, ekki tveimur, heldur hvorki meira né minna en þremur mismunandi bílum þann daginn... Fyrst Polo, svo Fabia, og að lokum Golf... Já ég fékk að ganga í Golfklúbbinn góðir hálsar... Þó einungis tímabundið þar sem ég þarf að skila honum aftur á eftir... Þá fæ ég pólóinn minn aftur úr viðgerð og alþrifum;) Þá verð ég aftur megapæja..!!!
Later
Koma svo, dilla sér.. Dagný at
12:32
mánudagur, apríl 25, 2005
Speki helgarinnar
Núna verður áðan á eftir og á eftir verður núna búið
Það sem kemur sterkt upp í hugann eftir þessa helgi (fyrir utan náttla spekina, í boði yours truly, sem var mikið pælt í á laugardagskvöldið) er: "jarðaber-jarðaber-sítróna..DJÖ... sítróna-melóna-sítróna... DAMN... melóna-melóna-melóna... JACKPOT!!! Ég býð uppá bjórinn!!" Dí.... guess u had to be there hehehe;) Það var allavega ekkert smá gaman á laugardaginn!! Vorum bara fimm saman í sófachilli við kertaljós og góða tóna heima hjá Atla... Nenntum ekki einu sinni að fara í bæinn!! Ekkert smá sátt við þá ákvörðun, ég er komin með fokkings leið á bænum...
Hey já... Og annað sem kemur upp í hugann eftir þessa helgi - eða réttara sagt föstudagskvöldið er: Greyið *bííp*!! Alveg tekin af dávaldinum... Og þá er næstum hægt að segja bara bókstaflega... Hehehehe stelpugreyið...
Later
Koma svo, dilla sér.. Dagný at
12:25
föstudagur, apríl 22, 2005
Gus Gus kvöldið afstaðið og mér dettur bara eitt orð í hug: SNILLD... eintóm snilld... Þvílíkir snillingar... Gus Gus á Nasa, það getur bara ekki klikkað!!! Ætla ekki að hafa fleiri orð um það að þessu sinni;) Hér eru MYNDIR sem Agnes tók kvöldið góða á Nasa, og myndir segja meira en þúsund orð... Ef að Sigrún finnur snúruna sína eru væntanlegar myndir frá henni líka;)
Svo ákvað ég að skella mér á dávaldinn á síðustu stundu (og þá meina ég síðustu þar sem ég fékk síðasta miðann) þannig að ég ætla ekki að hafa þetta lengra að sinni og henda mér í sturtu...
L8ter
Koma svo, dilla sér.. Dagný at
20:23
þriðjudagur, apríl 19, 2005
Úffff... Djöfull var gaman hjá mér áðan!! Keyrði út af bílastæðinu hjá Heklu í nýja ógeðslega flotta bílnum mínum, með sólgleraugu (af því að ég er náttla megapæja á megapæjubíl og þær verða að vera með sólgleraugu hehe), og Call of the wild á fóninum (á mjög háum styrk því það eru náttla hátalar afturí og því geggjað sound í græjunum hehe)!! Ljúfa líf... Gerist ekki mikið betra en þetta:) Jú!! Á morgun þegar ég keyri heim úr vinnunni, á nýja bílnum mínum, með Gus Gus í botni vitandi að ég er að fara beina leið heim að taka mig til fyrir tónleika með snillingunum.... Dí... Er þetta raunverulegt?!
Kveðja ofan af skýi...
Koma svo, dilla sér.. Dagný at
15:10
mánudagur, apríl 18, 2005
Halló halló hæ hæ hæ!! Nú er ég sko ánægð með lífið!! Keypti mér eitt stykki bíl í dag;) Er að fara að ná í pappírana á eftir og fæ hann líklega á morgun... Veiiii!! Glæsikerran sem varð fyrir valinu er VW Polo, 2000 árgerð, blár, 5 dyra og bara ótrúlega sætur að öllu leyti... Meresegja geislaspilari og hátalar afturí!! Get sem sagt blastað Gus Gus í græjunum fram að tónleikum hehehehe... Ohh hvað ég er orðin mikil pæja núna!!!
Later
Koma svo, dilla sér.. Dagný at
16:42
Svar við spurningu vikunnar er: JÁ!! Mér tókst að hafa hemil á púkanum mínum þessa helgina... Ég djammaði ekkert!! Þar sem mér tókst að ná yfirhöndinni í þetta sinn (og hann var sko alls ekki sáttur) ákvað ég að það minnsta sem ég gæti gert fyrir greyið væri að gefa honum nafn... Púkinn Hlöðver mun hann framvegis verða kallaður, að tillögu systur minnar;) Nokkuð gott það...
Later
Koma svo, dilla sér.. Dagný at
09:08
föstudagur, apríl 15, 2005
Jæja... Þá er það stóra spurningin: Ætli maður standi við orð sín þessa helgina og sleppi djamminu alveg??? Nenni alls ekki að gera "bara eitthvað" eins og síðustu helgi... Þá var leiðinlegt... En púkinn minn er kominn í heimsókn... Helvítið mætir alltaf á ca. fimmtudagskvöldum, tekur sér bólfestu á vinstri öxlinni á mér og fer ekkert fyrr en á sunnudagsmorgnum!! Þar situr hann svo og reynir að hafa áhrif á dagskrána allar helgar... Ég verð að reyna að læra að hafa hemil á honum sko, hann nær nebblega alltaf að draga mig á djammið alveg sama hvað ég reyni að segja nei (ehemm þegar ég reyni að neita, yfirleitt erum við bara góðir vinir sko) En hann hlustar ekki þegar ég segi nei!! Svakalegt sko, ég fæ bara engu að ráða!! En þessa helgina hef ég sett mér það markmið að vera heima og spara mig fyrir Gus gus... Ætli það takist í þetta skiptið? Já gott fólk... Þegar stórt er spurt er lítið um svör... Kemur í ljós eftir helgi;)
Later
Koma svo, dilla sér.. Dagný at
14:36
fimmtudagur, apríl 14, 2005
Just shoot me!!
Eins og þið vitið hef ég verið að drattast um á flotta vinnubílnum mínum síðustu daga... Hann er ljótur og allt það, en það er algjört aukaatriði í pistli þessum... Það vantar nebblega aftursætin í hann. Það myndi kannski ekki skipta það miklu máli nema að ég þarf sem sagt að keyra um með dóttur mína í framsætinu, hálfspennta og ótrúlega óörugga þar frammí... Jæja, ég sem legg mikið upp úr því að hafa dóttur mína örugga í bílnum, spenni hana alltaf og fjárfesti meresegja nýlega í nýjum púða fyrir hana því hún var vaxin upp úr stólnum sínum, þarf sem sagt að skammast mín líka fyrir þetta þegar fólk horfir inn í bílinn og hugsar: "Hvernig væri nú að hugsa soldið um öryggi barnsins?!" Þetta er samt allt voða lítið mál, því ég meina, ég veit betur og þetta fólk veit ekkert um mig!! Ég hélt hins vegar að ég myndi DEYJA í morgun þegar ég renni í hlað á leikskólanum, með hana hálfspennta frammí, og sé að þar standa tvær konur að spjalla, meeeen, ég sem hélt að ég gæti kannski sloppið óséð inn í leikskólann eins og í gær... Nei nei... Þegar við erum að stíga út úr bílnum, sé ég þær ganga að okkur og hugsa: Dí, ég hélt nú að þær myndu ekkert fara að ibba gogg... Ef það hefði nú bara verið svo gott!! Þær ganga upp að mér og segja: "Við erum hérna frá Slysavarnafélaginu Landsbjörg að gera könnun á ÖRYGGI BARNA Í BÍLUM bla bla bla" Ég heyrði ekkert mikið eftir þessi orð af skömm!!
Eins og ég sagði í byrjun
JUST SHOOT ME
Koma svo, dilla sér.. Dagný at
10:21
miðvikudagur, apríl 13, 2005
Einu sinni átti ég Golf... Ég elskaði Golfinn minn... Mig hefur alltaf langað í Golf síðan... Núna er ég að leita mér að nýjum bíl og er eiginlega bara búin að vera að skoða Golf... Fattaði svo að það væri kannski soldið fáránlegt að fá mér Golf... Brynja keypti sér Golf... Erna keypti sér Golf... Sigrún keypti sér Golf... Dökkbláa, rauða og kóngabláa Golfa... Kannski get ég bara keypt mér einhvern annan lit á Golfinn minn... Þá gætum við breytt okkur úr Melluklúbbnum í Golfklúbbinn... Agnes er einmitt að leita sér að bíl líka, Golf kemur til greina... Kannski gæti ég fengið mér silfraðan Golf og hún svartan Golf... Golfað mar... Svo þyrftum við bara allar að fara að æfa GOLF... Váááá...
Later
PS. Tókuð þið eftir því að mér tókst að segja "golf" í hverri einni og einustu setningu... Hehehehehe... Gggooolllfff;)
Koma svo, dilla sér.. Dagný at
22:24
þriðjudagur, apríl 12, 2005
Dánarfregnir og jarðarfarir
Eftir þó nokkra baráttu, gaf hvíta þruman mín upp öndina fyrr í dag... Vil ég þakka henni fyrir samfylgdina síðastliðið ár. Þrátt fyrir óheppni með útlit og ýmsa aðra galla kom hún mér alltaf samviskusamlega á milli staða og mun ég sakna þess mjög. Kveð ég hana því með trega í hjarta...
Dagný
Koma svo, dilla sér.. Dagný at
13:02
Ok... Ímyndið ykkur rauða Toyotu Corollu... Ímyndið ykkur hana jahh kannski ca. 1990 módel... Ímyndið ykkur hana station... Ímyndið ykkur hana með engum aftursætum... Ímyndið ykkur hana alla beyglaða og í mikilli þörf fyrir þrif og bón... Ímyndið ykkur hana alla merkta "Gluggum og Garðhúsum" í gluggunum... Ímyndið ykkur hana með SKILTI Á ÞAKINU sem segir "Gluggar og Garðhús"... Ok, er þetta komið?! Núna megið þið ímynda ykkur mig sitjandi í bílstjórasætinu, megaskvíz, nýkomin úr klippingu og litun, vel brúnkuklútuð á því með skjannahvítar tennur eftir rapid white meðferðina í gærkvöldi... Og sólgleraugu líka!!! Já kæru vinir... Vinnubíllinn verður víst "my ride" næstu dagana því bíllinn minn er í viðgerð... Vááá hvað þetta lætur mig meta hvítu þrumuna mína miklu betur!!! Ég skal aldrei blóta henni aftur...
Later
Koma svo, dilla sér.. Dagný at
09:09
mánudagur, apríl 11, 2005
Ég er í rusli!! Missti af tónleikum aldarinnar á föstudaginn, að mér er sagt, og ég má sko aldrei missa af neinu... Ömurlegt!! Allir félagar mínir sem fóru hafa líka verið duglegir að láta mig vita hverju ég missti af (thanx guys!!) svo að ég fái nú örugglega bömmer... Er þetta ekki týpískt, loksins þegar ég ákveð að vera skynsöm og hanga heima í staðinn fyrir að leyfa púkanum að ráða, þá missi ég af einhverju svakalegu!! Ákvað því að skella mér smá út á laugardeginum með stelpunum, sonna til að missa nú alveg örugglega ekki af neinu fleiru... Og úr því varð eitt slappasta djamm í nokkurn tíma, ég var komin heim fyrir kl fimm!! Keypti mér meresegja pulsu á Select á leiðinni heim... Hvað er eiginlega langt síðan það gerðist síðast?!
En ég er að fara í klippingu og litun í kvöld og það er allra meina bót;)
Later
Koma svo, dilla sér.. Dagný at
11:14
fimmtudagur, apríl 07, 2005
Hér áður fyrr hafði ég stært mig af því að vera gullinbrún á brá sem brún... En nú er sagan önnur... Undanfarinn mánuð hafði ég ekki heimsótt ljósabekkinn minn neitt né fjárfest í gullnu brúnkuklútunum mínum sem höfðu glætt mig gljáandi brúnkunni... Sökum þess hafði lundarfar mitt ekki verið sem skyldi og þó nokkur kuldi og fölleiki tekið sér stað í sálartetri mínu sem og hörundi... Í gærkvöldi ákvað ég þó að hér skyldi staðar numið í pyntingum þessum og pantaði mér stefnumót við Ergo-line 2000... Við það lyftist allt mitt viðmót á hærra plan... Gullna yfirbragðið er á góðri leið með að ná fyrri styrkleika, einkum því ég fjárfesti í gullmolanum góða sem glæðir mig þessu "extra something". Þannig að kæru vinir og vandamenn: Ekki örvænta, hér eftir mun ekki verða skortur á pistlum sem þessum! The Tan is Back;)
Takk fyrir
Koma svo, dilla sér.. Dagný at
10:59
miðvikudagur, apríl 06, 2005
Ætli ég byrji þennan pistil ekki bara á því að segja það sama og síðast: Jæja, þá er lööööng helgi að baki.... Ég hafði nú ekki hugsað mér að djamma neitt voðalega mikið, kannski eitt kvöld eða svo... En svo endaði það náttla með því að öll helgin var tekin með trompi!! Skemmti mér alveg konunglega:) Næstu tvær helgar verða þó rólegar... Ágætt fyrirkomulag þetta, djamm tvær helgar og ekki djamm tvær helgar. Fínt!!
Annars er voða lítið að frétta af kjellingunni, þannig að ég segi þetta bara gott í bili...
Later
Koma svo, dilla sér.. Dagný at
11:56
